Plantun de Prouvènço

Pèr coumpara dos planto d'encò nostre

Euphorbia segetalis & Xanthoselinum alsaticum subsp. alsaticum

Verinado

Euphorbia segetalis

Euphorbiaceae

Àutri noum : Lagagno, Lachusclo-di-blad, Pisso-can-di-blad, Lantrèso.

Nom en français : Euphorbe des moissons.

Descripcioun :
La verinado s'atrobo dins li champ e li liò roucassous un pau caud. Se recounèis à si fuèio estrecho e raprouchado sus uno cambo un pau rouginasso, à si glando di lòngui bano (fotò) e si bratèio en formo de coupo. Flouris encaro tardié en ivèr.

Usanço :
Coume tóuti lis meno d'Euphorbia, la verinado es uno planto empouisounanto (verin). Lou la que s'escoulo à la coupo èi di proun irritant pèr la pèu, lis iue e la bouco. Pamens, poudès vous n'en servi pèr crema li berrugo ; un cop pèr jour, vint jour de tèms (L.). Ei bon peréu pèr sougna li mouchourlo de fedo e de chivau. Lis ancian tuavon li pèis de ribiero emé d'éufòrbi gachado (M.).

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Euphorbia
Famiho : Euphorbiaceae

Ordre : Malpighiales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu - Autouno - Ivèr

Sòu : Ca
Autour basso e auto : 0 à 600 m
Aparado : Noun

Liò : Champ - Colo - Garrigo
Estànci : Termoumediterran à
Couroulougi : Pancaro entresigna
Ref. sc. : Euphorbia segetalis L., 1753

Fenoui(-d'Alsaço)

Xanthoselinum alsaticum subsp. alsaticum

Apiaceae Umbelliferae

Nom en français : Peucédan d'Alsace.

Descripcioun :
Aquéu fenoui-d'Alsaço dins la subsp. alsaticum èi pas gaire coumun au nostre. Trachis en aut de la valado dóu Rose proche Bouleno e peréu dins lis Aup dessouto 1500 m. Se recounèis à si fueio 3 à 5 cop divisado, sa cambo boutisso e si brout en estànci de long de la cambo. Lis oumbello fan de 6 à 25 rai. La varieta discolor en fotò fai de flour à petalo blanco au contro de la varieta alsaticum que soun jauno. Isto uno autro meno mai coumuno (subsp. venetum) que s'atrobo dóu coustat de Niço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,5 à 1,8(2,5) m
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Xanthoselinum
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) enflourejado : 4 à 10 cm
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun
Juliet à setèmbre

Liò : Ermas - Camin - Orle de bos - Sablo
Estànci : Mesoumediterran à Coulinen
Couroulougi : Éurasiatico
Ref. sc. : Xanthoselinum alsaticum subsp. alsaticum (L.) Schur, 1866 (= Peucedanum alsaticum L., 1762 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Euphorbia segetalis & Xanthoselinum alsaticum subsp. alsaticum

CCC

Coumpara Verinado emé uno autro planto

Coumpara Fenoui(-d'Alsaço) emé uno autro planto